Britania pritet të goditet nga një stuhi e madhe bore nga e enjtja, ndërsa vendi po përballet me valën më të rëndë të të frohtit deri më tani. Qindra shkolla u mbyllën të martën ndërsa pati kaos në aeroporte dhe stacione hekurudhore, ndërkohë që zyrtarët e shëndetësisë kanë lëshuar paralajmërime të frikshme. Stuhia Goretti do të sjellë borë, shi të rrëmbyeshëm dhe erëra të forta në Angli dhe Uells të enjten dhe të premten. Meteorologët kanë lëshuar paralajmërime për anglinë jugperëndimore dhe uellsin, që para stuhisë. Ndërsa alarmi për të ftohtë therës është zgjatur deri të dielën, me temperaturat minimale që mëngjesin e të martës zbritën deri në -12 gradë celcius. Deri më tani, reshjet më të mëdha të borës janë regjistruar në skoci por pati dëborë edhe në londër. Të paktën 775 shkolla u mbyllën në të gjithë vendin për shkak të motit. E gjithë evropa ndërkohë është përfshirë nga moti i acartë me borën dhe akullin që ka cuar në anulimin e qindra fluturimeve në Holandë dhe që kanë marrë pesë jetë njerëzish në francë, deri më tani. Në Gjermani, temperaturat ranë shumë nën minus 10 gradë Celsius në jug dhe në lindje të vendit, mëngjesin e të martës. Pjesë të mëdha të vendit ishin të mbuluara me borë. Meteorologët parashikuan se një stuhi që do të godiste vendin të premten, me reshje të dendura bore dhe erëra të forta.