Stuhi të mëdha të borës kanë përfshirë disa pjesë të Kalifornisë dhe Nevadas në perëndim të Shteteve të Bashkuara. Bora ka mbyllur rrugët, qendrat e skijimit dhe i ka lënë mijëra njerëz pa energji elektrike në shtëpitë e tyre. Stuhitë e kanë prekur veçërisht zonën malore Sierra në Nevada, ku era ka arritur shpejtësinë prej 305 kilometrash në orë. Njerëzit janë paralajmëruar për “rrezik ekstrem nga ndonjë ortek i mundshëm”, përfshirë zonën e liqenit Tahoe. Më shumë se 33 mijë njerëz në Nevada dhe rreth 24 mijë të tjerë në kaliforni kanë mbetur pa energji elektrike. 121 km të rrugës ndërshtetërore 80 u mbyllën të shtunën. Autoritetet pranë kufirit shtetëror me nevadën thanë se personeli i emergjencave janë përballur me vështirësi në shpëtimin e drejtuesve të mjeteve të bllokuar në kushtet ekstreme. Deri në 3 metra borë ndërkohë pritet në zonat e larta, tha shërbimi kombëtar i motit, dhe kjo situatë mbart me vete rreziqe për jetën e njerëzve. Parashikuesit e motit u kanë bërë thirrje njerëzve që të qëndrojnë aty ku janë përgjatë fundjavës, pasi mund të bllokohen në stuhi nëse lëvizin.