Vetëm 22 vjeç, kandidatja më e re e Partisë Demokratike, Andia Ulliri, ka qenë ndër emrat më të votuar në qarkun e Durrësit, në këto zgjedhje parlamentare, duke siguruar 5 mijë e 595 vota. E ftuar sot në emisionin “Breaking” në Top News, Andia Ulliri u shpreh se votat e 25 Prillit kanë ardhur si rezultat i punës së pashtershme të saj. “Fushata ka qenë një punë e pashtershme, e imja dhe e ekipit tim. Ka pasur takime individuale dhe me biznesin, e më dhanë favorin që të kem sot këtë lloj rezultati, duke qenë se banorët besuan te ndryshimi, edhe që fryma ishte për ndryshim. Sot madje janë shumë të zhgënjyer nga rezultati. Duke qenë se disa prej tyre i kam takuar, mendoj se ata janë njerëz që vijnë drejt shpresës, vijnë drejt rinisë. Mendojnë që rinia është e ardhmja dhe për ta sot është edhe e tashmja, duke qenë se unë e dëshmoj këtë fakt” Endë në vijim të studimeve për arkitekturë, Ulliri është shprehur se tashmë pasioni i saj është edhe politika dhe se në kuvned do të përfaqësojë jo vetëm të rinjtë, por gjithë qytetarët shqiptarë. Të rinjtë shqiptarë duhet të angazhohen sot në politikë, sepse politika është ajo që do të sjellë të mirat e të këqijat e jetës që do të jetojnë. Jeta në Shqipëri është vërtetë e vështirë. Mendoj që në kushtet e sotme mund të themi me plot besim se nuk ka pasur mbështetje të rinisë. Mendoj se si studente e Shqipërisë dhe e re në Shqipëri, shumë të rinj e kanë humbur se këtu do ta kenë një të ardhme. Kjo vjen nga normat e larta të papunësisë, vjen nga pasiguria e tyre për të patur një jetë më të mirë në shtetin ku jetojnë. Kjo ka qenë edhe thirrja ime që të marrë pjesë për tu angazhuar në politikë dhe për të qenë pjesë e ndryshimit..