Franca vendosi t`I hapë kufijtë me Britaninë e Madhe pasi Komisioni Europian rekomandoi heqjen e kufizimeve të vendosura për të frenuar përhapjen e një varianti të ri të koronavirusit që ka shkaktuar alarm ndërkombëtar. Linjat ajrore, hekurudhore dhe detare u rihapen, duke lejuar shtetasit e BE-së dhe Britanisë së Madhe të udhëtojnë midis Britanisë dhe Francës, por vetëm nëse zotërojnë një test negativ të koronavirusit jo më të vjetër se 72 orë. Me mijëra automjete ishin bllokuar në kufi që prej ditës së djelë. Dhjetëra vende I ndërprenë lidhjet e udhëtimit me britaninë që kur qeveri atje njoftoi për masa shtesë në Londër dhe Anglinë juglindore gjatë fundjavës, për shkak të përhapjes së shpejtë të variantit të ri të koronavirusit. Ekspertë nga Organizata Botërore e Shëndetësisë (OBSH) në Europë do të takohen ne 23 dhjetor për të diskutuar se si të trajtohet ky lloj i ri i koronavirusit, duke thënë se "kufizimi i udhëtimit për të frenuar përhapjen është një vendim i matur, derisa të kemi një informacion më të mirë".Drejtori i OBSH-së për Evropën, Hans Kluge, shkroi në Tëitter se organizata do të "diskutojë strategjitë për testimin, zvogëlimin e transmetimit dhe komunikimin e rreziqeve"."Zinxhirët e furnizimit për mallrat dhe udhëtimet thelbësore duhet të mbeten të mundshme", tha ai. Por teksa Franca lehtësoi kufizimet e udhëtimit, Gjermania e zgjati deri në 6 janar masën e ndalimit të udhëtimeve me Mbretërinë e Bashkuar dhe Afrikën e Jugut.Varianti i ri, i cili gjithashtu është zbuluar në numër më të vogël në vendet e tjera, besohet të jetë më i transmetueshëm. Sidoqoftë, ekspertët thonë se mutacionet e virusit janë normale dhe nuk ka prova se ky është më vdekjeprurës ose do të jetë rezistent ndaj vaksinave.