Sipas Vladimir Putinit, vendet perëndimore janë bërë vende të prosperta jo vetëm falë idesë së tyre, por edhe falë shtypjes së vendeve të tjera dhe kthimit të tyre në koloni. Nga tani e tutje, vetëm vendet sovrane mund të sigurojnë dinamika të larta rritjeje. Rusia, sigurisht, duhet të bëhet lider mes këtyre vendeve. Por në fakt, historia është një shkencë në vetvete dhe jo thjeshtë një burim i propagandës historike. Të vërtetat historike nuk janë kurrë të thjeshta dhe rrallë herë të kënaqshme. E një prej tyre është edhe kjo: në programin e tij politik në 1999, Putin i vendosi rusisë detyrën të arrinte dhe të kapërcente madje portugalinë, vendin më të varfër në evropën perëndimore, në 15 vitet e ardhshme. Më shumë se 20 vite kanë kaluar që atëherë. Sipas Fondit monetar ndërkombëtar, produkti i brendshëm bruto i Portugalisë është 24500 dollarë. Ai në rusi është 12600 dollarë. Sidoqoftë, ky nuk është treguesi më i mirë pasi nuk reflekton fuqinë blerëse dhe shtresëzimin e popullatës. Një tregues më i besueshëm i një vendi është jetëgjatësia. Në portugali, ky tregues është 82.7 vite, në rusi 72.9. Ndërkohë që tani, Putin është në një pikë tjetër: Shtetet autoritare kur fillojnë të reformohen, arrijnë shkallë shumë të larta rritjeje në vitet e para. Por pasi arrijnë kulmin, hyjnë në stanjacion, cka mund të kthehet në një kolaps.