Ukraina po rimerr territore në rajonin që presidenti rus, Vladimir Putin, e ka shpallur pjesë të rusisë. Për sekretarin e Përgjithshëm të NATO-s, Jens Stoltenberg, përparimi i forcave ukrainase tregon se ato janë në gjendje t'i zmbrapsin trupat ruse. I pyetur mbi aplikimin e Ukrainës për anëtarësim të përshpejtuar në aleancën perëndimore të mbrojtjes, zoti Stoltenberg tha se "çdo vendim për anëtarësim duhet të merret me konsensusin e të 30 vendeve anëtare".NATO po mbështet hetimin rreth dyshimeve për akte sabotazhi ndaj tubacioneve ruse Nord Stream që transportojnë gaz, nga Rusia në Evropë. Shefi i NATO-s foli dhe mbi kërcënimin e Moskës për përdorimin e mundshëm të armëve bërthamore. Stoltenberg tha se Rusia do të përballej me pasoja të rënda nëse do t’i përdorte ato.