NATO i është përgjigjur të mërkurën kërkesës së kryeministrit Edi Rama për ngritjen e një baze ushtarake detare në Porto Romanos, duke thënë se po vlerëson propozimin e qeverisë shqiptare. Sekretari i Përgjithshëm i NATO, Jens Stoltenberg tha se Koncepti i ri Strategjik i NATO-s, i miratuar në Samitin e Madridit, konfirmon edhe një herë rëndësinë që ka Ballkani Perëndimor për Aleancën. Duke komentuar ndërtimin e mundshëm të një baze detare në Detin Adriatik, ai thotë se NATO po negocion me Shqipërinë për investime të tjera të mundshme dhe vendosjen e trupave në rajon. Stoltenberg thotë se NATO do të vazhdojë të promovojë stabilitetin, sigurinë dhe bashkëpunimin në rajon. Kryeministri Edi Rama njoftoi pas kthimit nga samiti i NATO në Madrid së u ka propozuar krerëve të aleancës instalimin e një baze navale të NATO-s në portin e ri të Durrësit. Edhe pse aleanca nuk ka marrë ende një vendim, përfundimtar, nëse do të miratohej, baza e Durrësit do të ishte baza e tretë e aleancës në Shqipëri.