“Ujqërit e natës”, grupi famëkeq i motociklistëve rusë, që mbështet presidentin Vladimir Putin, po ngrenë një statujë të kasapit të Ballkanit, Slobodan Millosheviç, në mes të Moskës. Skulptura, e cila është shkrirë në bronz në Serbi, është dy metra e lartë dhe është vepër e skulptorit nga Beogradi, Dragan Radenoviq, shkruajnë mediat kroate. Pas rreth një muaji, në mes të qershorit, në qendër të Moskës do të inaugurohet monumenti i ish liderit serb që vdiq në qelitë e hagës pa pritur dënimin si kriminel lufte dhe që ishte nismëtari i luftërave shkatërruese në territorin e ish-Jugosllavisë në Slloveni, Kroaci, Bosnje-Hercegovinë dhe Kosovë. Sipas mediave kroate, nismëtari është një propagandist i njohur pro putinit, drejtues i klubit të motociklistëve Ujqërit e Natës, Aleksandar Zalldostanov, i njohur si “Kirurgu”. Presidenti rus Vladimir Putin është anëtar nderi i këtij klubi, që mbështet agresionin kundër Ukrainës dhe mbron konceptin e "botës ruse". Monumenti, që sipas portaleve serbe është tre metra i lartë, ka përfunduar dhe tashmë është dërguar në Moskë, i shoqëruar nga Ujqërit e Natës.