Kryeministri i Britanisë së Madhe, Keir Starmer, nënshkroi të hënën një marrëveshje me krerët e Bashkimit Evropian në Londër, duke nisur një kapitull të ri në marrëdhëniet mes Britanisë dhe BE-së pas Brexit-it të vitit 2020. Por për cfarë ranë dakord palët? Bashkëpunimi në fushën e sigurisë dhe mbrojtjes, është tema kryesore, duke patur parasysh kohët nëpër të cilat po kalojmë. Evropa po riarmatoset përballë kërcënimit nga rusia dhe mes pasigurive për politikat e presidentit amerikan, Donald Trump. Marrëveshja u mundëson britanikëvë të marrin pjesë në disa takime ministrore të BE-së dhe të angazhohen në stërvitje dhe misione ushtarake evropiane. Po ashtu ajo synon të afrojë industrinë britanike të mbrojtjes me përpjekjet evropiane. Kështu, edhe kompanitë britanike mund të përfitojnë nga fondi i BE-së prej 150 miliardë eurosh për mbrojtjen. Për më tepër, në marrëveshje, BE dhe Britania kufizojnë kontrollet mbi ushqimet dhe produktet bimore në tregtinë e ardhshme.