Zëdhënësi i Kremlinit, Dimitri Peskov i kritikoo ashpër verejtjet e kryetares se bordit drejtues të Agjensisë Europiane të Barnave, Christa Wirthumer-Hoche, e cila e krahasoi autorizimin e vaksines Sputnik V me një “ruletë ruse”. “ KJo është një deklaratë vërtet për të ardhur keq, e është dhe e pasaktë mbi të gjitha. Kërkesa e madhe për vaksinën ruse në shumë vende të botës e dëshmon qartë rëndësinë dhe popullaritetin e saj”, u shpreh Peskov. Javën e kaluar EMA me qendër në Amsterdam nisi shqyrtimin e Sputnik V, një hap kyç ky drejt miratimit të saj si vaksina e parë jo-perëndimore që mund të përdoret anekënd bllokut 27-vendesh.Hungaria e ka miratuar tashmë Sputnik V dhe ka filluar ta përdorë atë si pjesë të programit të vet të imunizimit, ndërsa Republika Çeke dhe Sllovakia kanë urdhëruar gjithashtu doza dhe thonë se nuk do të presin për miratimin e EMA. E pyetur rreth perspektivës që Austria të hedhë të njëjtin hap, Hoche tha se do tw kwshillonte me forcë që të mos kishte një autorizim kombëtar duke i meshuar idese se nuk ka ende tw dhwna tw mjaftueshme sigurie rreth kwsaj vaksine, ndwrsa theksoi se ajo duhej të përputhej me kriteret evropiane lidhur me kontrollin e cilësisë dhe efikasitetin. Kancelari austriak Sebastian Kurz u takua të premten me zyrtarin e lartë rus të ngarkuar me marketingun e Sputnik V dhe theksoi se sigurimi I vaksinave nuk duhet t'i nënshtrohet një “lufte gjeopolitike", por e bëri të qartë se Austria do të presë miratimin e EMA para se të përdorë vaksinën.