Teksa në njërën anë opozita e drejtuar nga ish-kryeministri Sali Berisha dhe ish-Presidenti Ilir Meta po përgatiten për një valë të re protestash duke nisur nga shtatori, ky muaj i cili përkon me nisjen e sesionit të ri parlamentar pritet të jetë tejet i nxehtë politikisht. Partia Socialiste nëpërmjet kreut të grupit, Taulant Balla, paralajmëron se pikërisht duke nisur nga ky muaj do të marrë formë nisma e tyre ligjore që parashikon verifikimin e të gjithë politikanëve që më parë kanë marrë certifikatë pastërtie.