CIA ka deklaruar ka të dhëna të besueshme që tregojnë se sulmet ajrore të SHBA-së ndaj Iranit kanë dëmtuar rëndë infrastrukturën bërthamore të këtij vendi. Sipas drejtorit John Ratcliffe ka disa objekte kryesore janë shkatërruar plotësisht, duke kundërshtuar vlerësimin paraprak të Agjencisë së Inteligjencës së Mbrojtjes (DIA) që e kishte konsideruar ndikimin e sulmeve më të kufizuar. Në analizën fillestare të Agjencisë së Inteligjencës së Mbrojtjes thuhej se bombardimet kishin vonuar programin bërthamor iranian vetëm për disa muaj, një përfundim që u kritikua nga Presidenti Donald Trump dhe Shtëpia e Bardhë, të cilët e cilësuan këtë raport si të pasaktë. Ratcliffe theksoi se vlerësimi i CIA-s mbështetet në burime dhe metoda historikisht të sakta, duke shtuar se rindërtimi i objekteve të dëmtuara do të kërkojë vite të tëra. Ndërkohë, komuniteti amerikan i inteligjencës, që përfshin 18 agjenci të ndryshme, shpesh prodhon raporte kontradiktore për shkak të fushëveprimit të ndryshëm dhe mënyrës së interpretimit të të dhënave.