Një spital në romë tha të martën se kishte ndarë me sukses dy binjake dy vjecare të bashkuara në kokë, pas tre operacionesh të rrezikshme. Motrat Ervina dhe Prefina, kishin lindur të bashkuara kokë më kokë në atë që spitali pediatrik i romës, bambino gesu e quajti një nga format më të rralla dhe komplekse të bashkimit cerebral. Spitali tha se ishte hera e parë në itali e ndoshta edhe në botë, pasi një rast i ngjashëm nuk është përmendur asnjëherë në literaturën mjeksore, që kirurgët kishin mundur të ndanin binjakë të bashkuar në këtë formë, që ndanin me njëri tjetrin pjesën e pasme të kafkës dhe sistemin e saj venoz. Dy motrat nga Bangui, në republikën qendrore afrikane, u sollën në itali në shtator 2018 pasi drejtori i spitalit i kishte takuar ato dhe të ëmën në qendrën mjeksore ku kishin lindur. Testet e kryera në itali tregonin se binjaket ishin zakonisht në shëndet të mirë por se zemra e njërës prej tyre sforcohej më shumë për të ruajtur balancën psikologjike të organeve, përfshirë trurin. Vajzat kishin personalitete të ndryshme – tha spitali. Prefina ishte më e gjallë dhe pëlqente më shumë të luante ndërsa ervina ishte më serioze dhe më vëzhguese. Sfida më e madhe me të cilën u përballën specialistët, ishte rrjeti i përbashkët i enëve të gjakut që sillnin gjakun nga truri i vajzave në zemrat e tyre. kjo kërkonte tre operacione të ndara, shumë delikate, për të rindërtuar në mënyrë progresive dy sisteme të pavarura venoze. Operacioni u krye në 18 orë dhe në të u angazhuan 30 mjekë dhe infermierë.