Ministrja e Jashtme e Shqipërisë, Elisa Spiropali ka shprehur reagimin e parë të Shqipërisë në lidhje me aksionin e SHBA, që çoi në arrestimin e Nicolas Maduros në Venezuelës. Spiropali, reagoi përmes një postimi në rrjetin social X, ku theksoi se Tirana qëndron përkrah Uashingtonit në përballjen me atë që e cilësoi si një “regjim narko-terrorist”. “Shqipëria qëndron pa mëdyshje përkrah Shteteve të Bashkuara dhe Presidentit të SHBA-së në veprimet e tyre vendimtare kundër regjimit narko-terrorist të Venezuelës. Ne mbështesim lidershipin e fortë të Sekretarit të Shtetit Rubio në përballjen me autoritarizmin, korrupsionin dhe rrjetet kriminale transnacionale”, vijon deklarata. Populli venezuelian ka një të drejtë të pamohueshme për liri, demokraci dhe sundim të ligjit dhe bashkësia ndërkombëtare nuk duhet të heshtë përballë shtypjes dhe frikës”, shkruan Spiropali. Ajo shtoi se si një aleat i palëkundur i SHBA-ve dhe anëtar i NATO-s, Shqipëria qëndron krah për krah me lidershipin amerikan në mbrojtje të parimeve demokratike dhe sigurisë globale.