Spanja, portugalia dhe Greqia do të hapin kufijtë e tyre për britanikët e vaksinuar që nga qershori ndërsa ministrat po nxitojnë me planet e tyre për të lancuar pasaportat e vaksinimit në kohë për fillimin e udhëtimeve të huaja jo të domosdoshme, më 17 maj. Ndalimi i vizitorëve në BE nuk do të aplikohet për britaninë e madhe për shkak të fushatës së saj lider në botë të vaksinimit që ka bërë që më shumë se 33 milionë njerëz të marrin një dozë vaksine dhe 10 milionë të tjerë të jenë imunizuar plotësisht. Sekretari spanjoll për turizmin, tha të enjten se vendi i tij është gati për pushuesit britanikë. “Ne jemi të dëshpëruar që t’ju mirëpresim këtë verë. Ne kemi biseduar në mënyrë konstante me zyrtarët britanikë. Sipas planeve të BE, do të lejohen të gjithë udhëtarët e vaksinuar të udhëtojnë lirshëm dhe të evitojnë testet dhe karantinën, duke sjellë kështu shpresë për miliona të dëshpëruar që të shkojnë jashtë vendit për pushime apo të shohin familjarët e tyre këtë verë për të parën herë në më shumë se një vit. Zyrtarë nga 27 vendet anëtare të BE u takuan këtë javë për të diskutuar planet por kanë thënë ndërkohë se kanë vendosur që shkalla e vaksinimit të jetë njësi matëse për vendimin se kush do të mund të hyjë në bllok. Dhe burimet nga brukseli thonë se britanikët do të jenë ndër të parët që do të lejohen në bazë të skemës së pasaportës së vaksinës, me qershorin që po shihet si datë e fillimit. Britania e madhe për të parën herë ka rënë edhe nga 20-tëshja e vendeve më të goditura në botë nga pandemia.