Ministria spanjolle për të drejtat e konsumatorit tha të hënën se kishte urdhëruar Airbnb të tërhiqte më shumë se 65,000 oferta për qira pushimesh nga platforma e saj, duke thënë se ato shkelnin rregullat ekzistuese. Qeveria spanjolle, si dhe këshillat e qytetit dhe autoritetet rajonale, kanë nisur një operacion të përgjithshëm ndaj shtëpive me qera që ofrohen për turistët përmes faqeve të tilla si Airbnb dhe Booking.com, të cilat shumë spanjollë thonë se po krijojnë over-turizëm, po ngushtojnë mundësinë e gjetjes së banesave dhe po i bëjnë qiratë të papërballueshme për vendasit. Shumica e ofertave të listuara në Airbnb, që do të bllokohen, nuk përfshijnë numrin e licencës, ndërsa të tjerat nuk specifikonin nëse pronari ishte një individ apo një korporatë, tha ministria në një deklaratë. Ministri i Konsumatorit Pablo Bustinduy ka thënë se qëllimi i tij është t'i japë fund "mungesës së kontrollit" dhe "paligjshmërisë" së përgjithshme në biznesin e qirave të pushimeve dhe "të favorizojë aksesin në strehim dhe të drejtat e konsumatorit".