Partia Demokratike i kërkon SPAK që të mos zvarrisë edhe më tej dërgimin e kërkesës në Kuvend për heqjen e imunitetit të deputetes, Belinda Balluku. Në një intervistë për Breaking në Top News, kreu i grupit parlamentar të PD, Gazment Bardhi tha se kërkesa duhej të ishte dorëzuar që në qershor. Ai kërkoi nga kreu i SPAK, Klodjan Braho që të zbatojë standardin e deklaruar në dhjetor të vitit të kaluar, kur depozitoi kërkesën e parë për heqjen e imunitetit të Ballukut, kërkesë që u rrëzua nga socialistët. Sinkron bardhi - Spak duhet ta sillte kërkesën për imunitetin e Ballukut, sipas standardit që ka sjellë Prokuroria e Posaçme. Vetë drejtuesi i ri thotë që standardi ligjor është që, kur rëndohen akuzat, të rëndohet masa e sigurimit. Ky standard nuk po zbatohet. Nuk ka një kërkesë nga SPAK për imunitetin e Ballukut në Kuvend. Duhet të kishte ndodhur në qershor. Për mua, do të duhej të kishte ndodhur në qershor, dje ose sot. Se kur do të veprojë Prokuroria për të zbatuar ligjin, unë nuk e di, nuk shoh filxhan. Se çfarë do të ndodhë, unë nuk mund të parashikoj. Unë di të them cili është standardi që Prokuroria na e ka shpallur vetë publikisht dhe standardi i dyfishtë që po ndiqet me zyrtarë të tjerë të lartë. Nëse gjeni një të dytë me rëndësinë e Ballukut, unë tërhiqem. Të tjerët janë në burg, Balluku lëviz e lirë. Kjo do të thotë që SPAK ka vendosur ta trajtojë bashkëpunëtoren e Ramës ndryshe nga ligji dhe nga cilido tjetër, me standard favorizues”.