Partia Demokratike kërkon nga SPAK që të sekuestrojë dosjet e shpenzimeve publike prej rreth 100 milionë euro që kanë përfituar TEC-et lundruese Tigri 1 dhe 3, si dhe të ndalojë tenderin e ri prej 20 milionë eurosh. Nënkryetari i Komisionit të Ekonomisë, Eno Bozdo denoncoi faktin që Enti Rregullator i Energjisë ka pezulluar procedurën për rilicencimin e dy TEC-eve, por pavaresisht kesaj KESH ka hapur një tender të ri rreth 20 milionë euro për operimin dhe mirëmbajtjen e tyre për dy vitet e ardhshme. Sinkron bozdo - Vetëm pak ditë më parë, më 3 shtator 2026, Bordi i Entit Rregullator të Energjisë (ERE) refuzoi t'i rilicenconte dy TEC-et duke pezulluar procedurën! Këto TEC kane operuar me sa duke, pa leje te vlefshme mjedisore. Zullumi eshte kaq i madh saqë as ERRE nuk mund të mbyllë sytë. Sa i ka kushtuar deri me sot, kjo aferë shqiptarëve? Mbi 65 milionë dollarë janë paguar vetëm për qira dhe mirëmbajtje. Mbi 44 milionë dollarë qira dhe mbi 21 milionë dollarë mirëmbajtje. Mbi 65 milionë dollarë të taksave tona kanë shkuar në xhepat e kompanive private thjesht dhe vetëm që dy anije të qëndrojnë të ankoruara! Dhe nuk mbaron këtu: Ndërsa ERE bllokon Tigrat, KESH ka hapur një tjetër tender prej rreth 20 milionë eurosh për operim dhe mirëmbajtje të Tigrave për dy vitet e ardhshme. Pra, fatura totale po shkon rreth 100 milionë euro! Bozdo tha se heshtja e SPAK përballë kësaj afere është një amnisti e pafalshme që bëhet në nivelet më të larta politike të kësaj qeverie.