Prokuroria e Posaçme ka marrë nën hetim deputetin e Partisë Demokratike, Luan Baçi. Lajmi është konfirmuar edhe nga vetë demokrati pas daljes nga SPAK. Baçi - “E njëjta procedurë i njëjti zanat. Është e treta herë që vij, madje them të aplikoj për vende pune. E mora avokatin sepse nuk doja të flisja vetë. Një ish ortaku im, qytetar hallexhi, në 2010 në një punë të përbashkët ka shitur aksionet e ka ikur dhe pas 16 vitesh është kujtuar të kallëzojë në SPAK. Jemi në proces civil në Gjykatën e Vlorës për arsyet që ai pretendon se bashkëshortja e tij nuk ka qenë prezente në shitjen e aksioneve. Bashkëshortja ka kallëzuar dhe ortakun dhe mua. Sot u mora si person nën hetim, nuk më është komunikuar vepër penale. I bëra shpjegimet për qytetarët dhe ju (gazetarët) se ai që shkon në SPAK të cilësojnë si njeri të bërë pis. Baçi është paditur nga një ish ortak i tij në biznes në vitet 2010-2012 se ka fshehur një shumë prej 1.5 milionë eurosh.