Ambasadori i BE-së në Shqipëri Silvio Gonzato takoi këtë të martë drejtuesin e SPAK, Altin Dumani. Ai i shprehu mbështetjen e plotë për punën e bërë deri më tani nga ana e Prokurorisë së Posaçme në luftën kundër korrupsionit në nivele të larta. Takimin e njoftoi vetë diplomati I Bashkimit Eurpian në një postim në platformën X, ish tëitter, ku ndau disa foto me kryeprokuroin e Posaçëm. “Duke hetuar dhe ngritur padi për korrupsionin e nivelit të lartë dhe krimin e organizuar në Shqipëri, SPAK është një lojtar kyç në përparimin të Shqipërisë drejt përmbushjes së standardeve të zgjerimit të BE-së.”, shkroi Gonzato I cili sqaroi më tej se në fokus të diskutimeve ishte dhe gjetja e alternativave për rritjen e kapaciteteve në strukturën e SPAKut. “Ne japim mbështetjen tonë të plotë për punën e saj dhe isha i lumtur që prita një takim me Kryeprokurorin e Posaçëm Altin Dumani dhe donatorët kryesorë për të identifikuar mënyrat për të vazhduar ndihmën e SPAK-ut për të ndërtuar kapacitetet e tij.”, nënvizoi ai. Edhe më herët Bashkimi Europian por dhe shtetet e bashkuara të amerikës kanë vlerësuar punën e spak në goditjen e korrupsionit në radhët e zyrtarëve por dhe sa I takon krimit të organziuar.