Dy inspektorë të Inspektoratit Shtetëror Teknik Industrial u vendosën nën akuzë nga ana e SPAK për korrupsion. Olsi Jarezi dhe Luan Sadikaj, sipas prokurorisë së posaçme antikorrupsion dyshohet se I kanë marrë një biznesmeni nga Korça shumat monetare 900.000 (nëntëqind mijë) lekë dhe 10.000 (dhjetë mijë) dollar për të mos e ndëshkuar me gjobë pasi gjatë kontrolleve të ushtruara ai rezultoi se e ushtronte aktivitetin e tij tregtar pa dokumentacionin e nevojshëm tekniko-ligjor dhe licensën përkatëse. Shuma monetare sipas hetimeve të kryera nga SPAK është marrë në 1 nëntor të vitit 2021. Ndaj dy inspektorëve të ISHTI-t, GJKKO bazuar dhe në provat e grumbulluara nga prokurorët e posaçëm ka caktuar masën e sigurisë arrest me burg për Olsi Jarezin dhe arrest shtëpie për Luan Sadikajn. Ata akuzohen për veprat penale “Korrupsion aktiv i personave që ushtrojnë funksione publike” dhe “Korrupsioni pasiv”, kryer në bashkëpunim. Hetimet për rastin nisën në vitin 2023 nga prokuroria e Korçës e cila më pas ia delegoi SPAK.