10 mln dollarë kriptovaluta dhe dhjetëra pasuri të tjera iu sekuestruan vëllezërve Çopja këtë të mërkurë me kërkesë të SPAK. Nga hetimet e kryera, prokurorët e posaçëm konstatuan se vëllezërit Franc dhe Hajdar Çopja përdornin kriptovalutat për të bërë pagesat por dhe për aktivitetet e tyre të paligjshme. Por nga ana tjetër, SPAK evidentoi se ata kishin dhe një srë pronash të tjera të cilt I kishin hedhur në emër të personave të tjerë, të afërt me ta. Konkretisht u sekuestruan Truall, 3 vila e 4 garazhe në një resort në Farkë të Tiranë, Po ashtu nën shekuestro u vendos dhe një hotel në Tiranë, dy godina biznesi si dhe disa apartamente e një dupleks. Po ashtu nën sekuestro u vendos dhe një biznes te Rruga e Elbasanit në Tiranë si dhe sipërfaqe toke në Elbasan, Kavajë por dhe në Qeparo të Vlorës si dhe disaboznese në Elbasan. Disa prej pasurive ishin në pronësi të Arben Lamçes. SPAK e ka cilësuar më herët si 'terroriste' organizatën e vëllezërve Franc dhe Hajdar Çopja nga Elbasani, të cilën e lidh me disa prej ngjarjeve më të rënda kriminale në vend. Të paktën 6 persona të vrarë, 14 të porositura dhe një grabitje 4.6 mln euro në Rinas janë disa prej krimeve. Të ardhurat e siguruara nga trafiku I drogës kjo organizatë I investonte kryesisht në tregun e pasurive të paligjshme.