39 raste po hetohen nga SPAK si krime zgjedhore, në total janë administruar nga prokuroria e posaçme 156 materiale. Për 25 prej tyre është vendosur mosfillimi I hetimeve. Ndërsa 24 materiale të tjera kallëzuese I janë dërguar për kompetencë prokurorive të rretheve. Po ashtu SPAK sqaron se 17 materiale I kanë kaluar për verifikim drejtorisë së policisë. Kryesisht për informacion shtesë apo dhe për kryerje të tjerash hetimesh sa I takon pjesës tjetër të kallëzimeve ato janë në proces verifikimi. Për procedimet e regjistruara, SPAK sqaron se 21 prej tyre kanë ardhur si pasojë e denoncimeve të bëra nga policia, 8 janë nisur nga vetë prokuroria e posaçme. Po ashtu kallëzime ka pasur dhe nga subjektet politike, shërbimi I kontrollit të brendshëm të burgjeve, veprat penale për të cilat po hetohet kryesisht janë ato të korrupsionit aktiv dhe pasiv në zgjedhje, përdorimi I funksionit publik për qëllime politike. Denoncime të shumta ka pasur dhe përmes portalit Denonco krimin Zgjedhor si dhe e-mailit të SPAK. në total janë bërë 50 denoncime ndërsa 8 sinjalizime janë bërë në numrin e gjelbër.