‘Një sulm politik’, e ka cilësuar deputeti demokrat Asllan Dogjani në mbledhjen e grupit parlamentar të PD-së, pasi Prokuroria e Posacme SPAK, e mori të pandehur për veprën penale të deklarimi të rremë të pasurisë. Teksa dosja e dputetit ka kaluar për gjykim, Dogjani gjatë mbledhjes së Kryesisë së PD-së, tha se sulmi ndaj tij është bërë për shkak se ka denoncuar vjedhjen e pronave publike në Tiranë. “Dua të ndaj rastin tim lidhur me një ndjekje penale ndaj meje nga qeveria e Ramës. Kam denoncuar kudo ku kam qenë korrupsionin e kësaj qeverie. Shkuarja ime në SPPAK, bëhet fjalë për një shtëpi që jetoj me 3 fëmijët e mi që në vitin 2006. Pra shikojeni ku ka rënë niveli i SPAK. Në vend të merret me hotelet, vilat, grabitjet e pronave publike, Portin e Durrësit, ndaj meje fillon një procesim dhe ‘oburra ta çojmë në SPAK’ pa asnjë provë. Unë kam denoncuar grabitjen e pronës publike në mes të kryeqytetit. Shtëpia është me dokument para noterit. Pas 20 vitesh, meqë kam kërkuar interpelancë me Ramën për këtë çështje, është dirigjuar për të bërë kallëzim ndaj meje “mos deklarim pasurie”. SPAK duhet të merret me ata që vjedhin. Ky nuk është sulm vetëm ndaj meje, por ndaj cdo deputeti të opozitës që tenton të ngrejë zërin. Unë do vazhdoj të denoncoj çdo ditë dhe nuk më ndalon dot Edi Rama” Deputeti theksoi se do të vazhdojë të denoncojë çdo shkelje që mund të bëhet ndaj qytetarëve.