Prokuroria e posaçme ka përfunduar hetimet dhe ka zbritur për gjykim dosjen e dytë të operacionit “Revanshi”. Nga komunikimet e zbardhura në aplikacionin SKY ECC dhe hetimet e tjera janë ngritur akuza për 27 të dyshuar. Ish-deputeti socialist Arben Ndoka ende në kërkim, dyshohet për vrasje me paramendim mbetur në tentativë ndaj shtetasit Aleks Ndreka, sigurim kushtesh për vrasje në dëm të Durim Bamit, armbajtje pa leje e ndihmë për kalim të paligjshëm të kufijve , të gjitha këto vepra të kryera në kuadër të grupit të strukturuar kriminal. Nipi i tij Samuel Ndoka dhe Arian Tuku akuzohen për të njëjtat vepra penale si pjesë e këtij grupi kriminal, ndëra për disa vepra penale është dërguar për gjykim dhe i zhdukuri e shumëkërkuari Ervis Martinaj, i cili akuzohet nga SPAK për vrasjen e mbetur në tentativë të Durim Bamit dhe Ervin Kodrës dhe sigurimin e kushteve për vrasje në dëm të Leonard Dukës, Elvis Gacës, Altin Gegës dhe Fatmir e Armando Hysenit. Për sigurimin e kushteve për vrasje në dëm të vëllezërve Durim e Valter Bami akuzë është ngritur dhe për Aldo Avdylin, i arrestuar pak kohë më parë nga forcat RENEA. Hetimet zbuluan dhe përfshirjen e punonjësve të policisë në vepra penale si rasti i Klodian Shahinit që dyshohet për sigurimin e kushteve për vrasje në dëm të Preng Gjinit. Ndërsa për kultivim të bimëve narkotike e shpërdorim detyre në kuadër të grupit kriminal akuzohet dhe ish drejtori i policisë në Lezhë Henrigert Mitri dhe ish shefi Altin Morina. Marklen Haka po ashtu i arrestuar akuzohet për 10 vepra penale nga SPAK në disa episode kriminale bashkë më Hektor Xheçukën. Durim Bami dhe Endrit Dokle akuzohen nga SPAKpër sigurim të kushteve e mjeteve materiale për të vrarë ish-deputetin Arben Ndoka, Tori Xheçukën e Erigers Mihasin në kuadër të grupit kriminal. Erlis Duka, Fatmir Hyseni dhe Fatmir Troplini janë emrat e tjerë të njohur të këtyre grupeve kriminale që çohen për gjykim ndonse nuk është arritur të arrestohen deri më tani.