Vetëm 2 javë na ndajnë nga 4 marsi, është njëherësh edhe afati I fundit I regjistrimit të emigrantëve shqiptarë për të marrë pjesë në zgjedhjet e 11 majit. Në të tilla kusht, partitë politike kanë rritur përpjekjet për maksimizimin e votës së diasporës dhe rritjen e numrit të emigrantëve që regjistrohen në KQZ. Ish-kryeministri Sali Berish në një deklaratë për mediet përsëriti thirrjen drejtuar diasporës. Por a vijon ti qëndrojë Berisha paralajmërimit për shuarje të SPAK nëse ai vjen në pushtet? Qëndrimi i PD është shteti ligjor, shteti ligjor dhe mbi të gjitha, shteti ligjor. Për PD shteti ligjor është kushti i të gjitha kushteve për të bërë Shqipërinë të madhe përsëri… Në këtë kontekst unë besoj fort tek shqiptarët, se një prokurori që arreston 3 liderët politikë, të tre partive kryesore opozitare, një prokurori që rrëmben mandate opozitës, të dhëna nga zgjedhësit, një prokurori që amniston krimin elektoral, një prokurori që arreston gazetarë, është fund e krye një prokurori politike, pavarësisht aktiviteteve të tjera...Shqipëria do të ketë një prokurori të fuqishme të pavarur natyrisht jopolitike se pastaj ai është armiku i brendshëm pastaj.