Presidenti ukrainas, Volodimir Zelenski, do të flasë sot në një takim të posacëm të këshillit të sigurimit të kombeve të bashkuara, ku rusia është anëtare e përhershme me të drejtë vetoje. Ministri i jashtëm rus, Sergei Lavrov mbërriti në Nju Jork mbrëmjen e të martës, me mediat zyrtare që thanë se ai ndoqi një trajektore të stërzgjatur për të evituar hapësirën ajrore evropiane. Është e paqartë ndërkohë nëse kryediplomati rus me gjuhë të hodhur, do të jetë i pranishëm në sesionin e këshillit të sigurimit që do të drejtohet nga shqipëria, e cila ka edhe kryesimin e radhës, përballë Zelenskit. Për ekspertët, ky do të ishte një nga momentet ikonike të kombeve të bashkuara. Dy anëtarët e tjerë të përhershëm të këshillit, SHBA dhe Franca do të përfaqësohen nga kryediplomatët e tyre, sekretari amerikan i shtetit Antoni Blinken dhe ministrja e jashtme Katerin Kolona. Shqipëria, mbështetëse e fortë e ukrainës, që ka presidencën e këshillit, ka lejuar që në takim të lejohen të flasin një numër masiv prej 60 përfaqësuesish, sipas axhendës së parë nga AFP. Vetë kryeministri Edi Rama, do të kryesojë atë që do të jetë edhe përballja më direkte diplomatike mes rusisë e Ukrainës që kur moska pushtoi vendin, shkurtin e vitit të kaluar. Ndërkohë, presidenti rus, Vladimir Putin, që rrallë herë udhëton drejt Kombeve të bashkuara, këtë vit ka zgjedhur të mos jetë i pranishëm. Ai ka braktisur edhe takime të tjera të profilit të lartë ndërsa kombet perëndimore përpiqen ta izolojnë atë ndërkohë që përballet edhe me një fletë arresti të lëshuar nga gjykata ndërkombëtare penale.