Ambasadori i BE në Shqipëri, Luigi Soreca ne njw intervistw për Deutsche Welle komenton procesin e hapjes së negociatave për Shqipërinë dhe flet për paketat e ndihmave për pandeminë dhe rimëkëmbjen nga tërmeti i 26 Nëntorit 2019. Soreca thotw se Këshilli i Përgjithshëm dërgoi një sinjal shumë të fortë për faktin se puna duhet të vazhdojë për të dy vendet deri në ditën e fundit të Presidencës Gjermane. “Si për Shqipërinë ashtu edhe për Maqedoninë e Veriut, shtetet anëtare janë të gatshme të miratojnë atë që ne e quajmë kornizën e negociatave. Një prej tyre e ka bllokuar, për fat të keq, këtë miratim për Maqedoninë e Veriut, ndërsa teksti i kornizës negociuese për Shqipërinë është pranuar nga të gjithë. Pra, nëse do të ketë ndonjë zgjidhje të mosmarrëveshjes dypalëshe në lidhje me Maqedoninë e Veriut, atëherë të dy kornizat negociuese ende mund të miratohen ende para fundit të vitit”, shprehet Soreca. Thirrja e Konferencës Ndërqeveritare është tjetër gjë, miratimi i kornizës negociuese është kushti për të thirrur Konferencën Ndërqeveritare, sqaron ambasadori. Duke pwrmendur Gjykatwn Kushtetuese, ai thotw se javwt e fundit ka bwrw disa herw thirrje që Këshilli i Emërimeve në Drejtësi të përshpejtojë punën në lidhje me vlerësimin dhe renditjen e kandidatëve në tre pozicionet e hapura. “Me sa kam kuptuar në ditët në vijim do të ketë takime të Këshillit – KED - dhe është e rëndësishme që KED të dalë me një listë që do t'u dërgohet dy autoriteteve emëruese, Presidentit të Republikës dhe Parlamentit për emërime”, shpjegon Soreca duke theksuar se dicka e tillw wshtw e mundur para fundit të vitit, nëse puna përshpejtohet. Mw tej, ambasadori pwrmendi Ligjin zgjedhor duke identifikuar nw kwtw cwshtje dy nwn-elemente, njëri nga tw cilwt ka të bëjë me opinionin e Komisionit të Venecias qw publikohet në 10 dhjetor dhe tjetri, wshtw zbatimi konkret i Ligjit Zgjedhor në funksion të zgjedhjeve, të cilat do të zhvillohen në 25 prill. “Këto gjëra duhet të zhvillohen, duhet të përshpejtohen”, thotw Soreca, “le të shohim se ku jemi deri në fund të vitit para se të mbarojë Presidenca Gjermane”.