Top Channel, në bashkëpunim me Institutin “Angi Richerce” ka publikuar mbrëmjen e të enjtes në emisionin Top Story edhe sondazhet e para, në prag të zgjedhjeve locale në Shqipëri, të cilat do të mbahen më 14 maj. Një vend të veçantë zë padyshim edhe bashkia e Tiranës, e cila prej 8 vitesh qeveriset nga kryetari aktual, Erion Veliaj, teksa 49.2% e të anketuarve u përgjigjën se gjërat po lëvizin në drejtimin e duhur. 38.7 % e të anketuarve mbajtën nëj qëndrim kudnërshtues ndaj punës së Veliajt në Bashki, ndërsa 12.1 % zgjodhën të mos përgjigjen fare. Edhe sa i përket cilësis së jetës në kryeqytet, shumica prej 45.7% e të pyeturve, thanë se është përmirësuar në katër vitet e fundit, teksa vetëm 35.6 përqind mendonin ndryshe dhe 18.7 % thanë se nuk na ndryshuar asgjë. Ndër problematikat e renditura si më të mëdhatë në kryeqytet, shumica kanë listuar trafikun dhe ndotjen, infrastrukturën publike, ndërtimet pa kriter dhe shërbimet shëndetësore. Të njëjtat problematika janë cilësuar si prioritare për t’u ndërhyrë nga bashkia në mandatin e ardhshëm. Sa i përket Punës së Kryetarit Veliaj në bashkinë e Tiranës, më shumë se gjysma e cilësuan pozitive dhe po kaq konfirmuan se i besojnë figurës së tij. Ndërkohë pyetjes së drejtpërdrejtë, se për kë do të votonin, nëse do të shkonin nesër në kutitë e votimit, 53.8% iu përgjigjën “Erion Veliaj” dhe vetëm 32.9% zgjodhën kandidatin e koalicionit opozitar “Bashkë Fitojmë”, Belind Këlliçi.