Sjellja në jetë e fëmijës nga një nënë e re vetem 20 vjeç, është kthyer në tragjedi për të. Pas lindjes së foshnjës mbrëmjen e së shtunës në maternitetin e Gjirokastrës, nëna e re Klediona Muxhaj ka ndërruar jetë për shkak të komplikacioneve. 20 vjeçarja nga fshati Zhulat i Gjirokastës dhe duke parë gjendjen e saj mjekët vendosën për ndërhyrje çezariane për shkak të pozicionit të fëmijës. Rreth orës 3 të mëngjesit pas komplikacioneve në frymëmarrje mjekët vendosën për trajtimin në reanimacioni të 20 vjeçares. Gjendja sipas kreut të spitalit Sokol Feruni u agarvua me shpejtësi dhe vajza ndërroi jetë rreth orës 4 të mengjesit të së premtes. Sipas tij pritet që ekspertiza dhe autopsia të përcaktojnë shkaqet e vdekjes dhe përgjegjësitë nëse ka të tilla. Nga ana tjetër familjarët e Kledionës kanë pretenduar për mjekim të pakujdesshëm dhe akuzojnë mjekët se e kanë vënë re me vonesë përkeqësimin e gjendjes së vajzës. Sokol Muxhaj, vjehrri i vajzës tha se mjekët janë rikthyer në spital me vonesë dhe se mjekimi ka qenë i pavëmendshëm. Edhe vjehrra dhe kunati i viktimës konfirmuan gjendjen shumë të mirë dhe faktin se 20 vjeçarja nuk vuante nga asnjë sëmundje. Bashkëshorti i 20-vjeçares, Romario tha për Top Channel se Klediona ishte shumë mirë nuk ka pasur asnjë shqetësim. sipas tij mjeket pas operacionit thanë që nuk ka komplikacione. bashkëshorti i viktimës kërkon drejtësi për të.