Kryeministri Edi Rama nëpërmjet një postimi në rrjetet sociale ka treguar se ndodhet në një vizitë zyrtare në Abu Dhabi të Emirateve të Bashkuara Arabe, për të shprehur, ashtu sic thotë ai, solidaritetin vëllazëror në një kohë kur vendet e Gjirit Arabik jetojnë në kohëra të trazuara si pasojë e luftës. Rama e përshkruan Iranin si një shtet të mbetur në qoshen e errët të historisë dhe shpreh bindjen se vendet mike të Shqipërisë do të dalin më të forta. ‘Në Abu Dabi, për të shprehur drejtëpërdrejtë solidaritetin vëllazëror me Emiratet e Bashkuara Arabe dhe mikun e shtrenjtë, Presidentin Sheikh Mohammed Bin Zayed, në këtë kohë të trazuar për vendet mike të Gjirit Arabik, të cilat jam i bindur se do të dalin më të forta se kurrë më parë nga sprova e një konflikti ku u bënë shënjestër e hakmarrjes së verbër të një shteti të mbetur në një qoshe të errët të histories’ – ka qenë postimi I plotë I kryeministrit Rama. Tre ditë më parë Rama zhvilloi vizitë në Romë e Barcelonë, ku u takua me homologët e tij Giorgia Meloni dhe Pedro Sanchez, në kuadër të angazhimeve ndërkombëtare.