Partia Socialiste ka konfirmuar këtë të shtunë Ervin Demon edhe për një mandate të dytë në krye të Bashkisë së Beratit. Rikandidimi I tj u bë me dije nga drejtuesi politik i Partisë Socialiste në qarkun e Beratit Bledi Çuçi, i cili po ashtu deklaroi se emri i Ervin Demos është pranuar me unanimitet të plotë nga Asambleja e Partisë Socialiste në Berat. Në një postim në rrjetet sociale, Çuçi shkruan se fitorja e Ervin Demos në Berat as që nuk diskutohet, por do të synohet dhe shumica në Këshillin Bashkiak. "Në Asamblenë e Partisë Socialiste konfirmuam Ervin Demon si kandidati ynë për zgjedhjet e 14 Majit. Besimi për një mandat të dytë është rezultat i punëve të mira që janë bërë këto 4 vite në Berat dhe garanci për vazhdimin e projekteve e investimeve që shndërrojnë këtë bashki në një qendër të rëndësishme të turizmit në vendin tone”, shkruan Çuçi ndër të tjera. Pas rikonfirmimit ka ardhur një reagim dhe nga vetë Ervin Demo, i cili falebderon socialistët e Beratit për besimin që treguan ndaj tij. "Falenderues për secilin prej jush që unanimisht një zëri vendosët që t’ju përfaqësoj në zgjedhjet e 14 Majit si Kryetar Bashkie për mandatin e dytë. Së bashku do të shkojmë derë më derë, ku me përulje do flasim për problemet që kemi akoma në Berat, por me kokën lart për gjithçka kemi bërë në këto 4 vjet dhe krenar për ritmin e transformimit që Berati po përjeton dita ditës." -shkruan Demo.