Ish-zëvendëspresidenti amerikan Mike Pence tha se ish-presidenti Donald Trump e ka "gabim" kur thotë se Pence mund ta kishte përmbysur rezultatin e zgjedhjeve të vitit 2020, duke hedhur kështu poshtë drejtpërdrejt pretendimet e rreme të Trump. Në një fjalim në Florida, Pence reagoi ndaj pretendimeve të intensifikuara të Trump këtë javë se ai mund të kishte bërë diçka për të penguar marrjen e detyrës nga presidenti aktual Joe Biden. "Presidenti Trump e ka gabim," tha Pence. "Nuk kisha të drejtën të përmbysja zgjedhjet." Ish-zvpresidenti i ka mbrojtur edhe më parë veprimet e tij më 6 janar dhe ka thënë se ai dhe Trump ka të ngjarë të mos bien kurrë dakord lidhur me ngjarjet e asaj ditë, por komentet e së premtes shënojnë kundërshtimin e tij më të fortë ndaj Trump deri më sot. Komentet e tij vijnë ndërsa Pence po përgatit terrenin për një kandidim të mundshëm për president në vitin 2024, gjë që mund ta vërë atë në në garë të drejtpërdrejtë me Trump, i cili po ashtu ka lënë të kuptohet se mund të kandidojë.