Izraeli përballet me mungesën e interceptuesve të raketave dhe municioneve jetike për sistemin e tij të mbrojtjes ajrore Iron Dome, cka do të thotë se armët terroriste mund të lejohen të depërtojnë në hapësirën e tij. Pas një viti lufte në Gaza dhe pas luftimeve të ashpra që po zhvillohen tani në Liban, rezerva e raketave 2 milionë dollarëshe të Izraelit, Arroë 3, është zbrazur në mënyrë të konsiderueshme. Raketat e posacme përdoren për të kapur raketat balistike, të lëshuara nga grupet terroriste si Hezbollahu në Liban, në distanca të konsiderueshme nga kufiri izraelit. Ato përbëjnë një pjesë kyçe të sistemit mbrojtës Iron Dome prej 150 milionë dollarësh, i cili e ka mbajtur Izraelin të sigurt nga sulmet e panumërta nga ajri. Tani vendi përgatitet për të mbrojtur veten edhe nga sulmet e Iranit. Specialistët e industrisë, ish-zyrtarët ushtarakë dhe analistët i thanë Financial Times se mungesa e raketave interceptuese përbën një kërcënim serioz.