Sllovakia është e gatshme t’i bashkohet propozimit të Kinës dhe Brazilit për luftën në Ukrainë. Qëndrimin e njoftoi kryeministri i vendit, Roberto Fico pas takimit që pati me presidentin kinez Xi Jinping në Pekin. Ai tha se qëndrimi i Kinës ndaj luftës në Ukrainë është “i drejtë, objektiv dhe konstruktiv”. Sipas propozimit të bërë në muajin gusht Kina dhe Brazili synojnë një zgjidhje afatgjatë politike për konfliktin mes Moskës e Kievit. Plani bën thirrje për uljen e intensitetit të luftimeve dhe njohjen se dialogu dhe negociatat janë rruga e vetme për t’i dhënë fund luftës. Presidenti ukrainas, Volodymyr Zelensky, e ka quajtur propozimin “shkatërrues” dhe “kryesisht prorus”, pasi bënë thirrje për kompromis nga Ukraina dhe është krijuar pa marrë mendimin e Kievit. Por pavarësisht këtij qëndrimi të Zelenskyt, Fico tha se vendi tij është i gatshëm t’i bashkohet këtij propozimi.