Detaje të tjera janë zbardhur nga dosja “Sky Ecc”, në Greqi ku u zbuluan disa grupe kriminale me lidhje me njëra-tjetrën, të cilat trafikonin drogë nga Shqipëria e Spanja. Gazeta greke “Documento” ka nxjerrë detaje ku një prej personazheve të implikuara në këtë rast është dhe Aleksandër Sadikaj, 27-vjeçari që u vra në Tiranë në vitin 2022 gjatë një atentati me lëndë plasëse. Nga dosja mësohet se Sadikaj ishte përdorues i “Encrochat” me kodin “loneeagle” dhe i “Sky ECC” me PIN “BSPN6M”. Ai bashkëpunonte me grupin e Denis Grabockës ndërsa, sipas gazetës gfreke, trafikonin marijuanë nga Spanja e Shqipëria në Greqi. Sadikaj është hetuar në vitin 2020 nga autoritetet greke për trafikun e marijuanës nga Spanja. Madje gazeta ka zbardhur dhe një rast ku brenda kamioni të një kompania bullgare që drejtohej nga një grek u gjetën 133 pako me 144 kilogramë marijuanë në vitin 2020. Një llogari ende e paidentifikuar e aplikacionit “Encrochat” kishte marrë ngarkesën nga diku në Barcelonë të Spanjës, me urdhër të Denis Grabockes, kreut të grupit. Dhe e kishte derguar atë drejt Italisë. Për këtë sasi, lidhja e panjohur deri tani në Spanjë, ka marrë 400 mijë euro përmes sistemit “Haëala”, pas një urdhri të Denis Grabockes.