Sipas burimeve, “skuadrat talebane të vdekjes”, po marrin njerëz nga shtëpitë e tyre dhe po i ekzekutojnë ata, në një gjueti histerike të kujtdo që ka ndihmuar SHBA dhe Britaninë. Përkthyesit dhe personeli tjetër ndihmës po jetojnë në terror, ku shumë po përpiqen dëshpërimisht të largohen nga Afganistani pasi forcat ekstremiste morën pushtetin në Kabul. Talebanët tani po forcojnë sundimin e tyre, ndërsa shtetet perëndimore përpiqen të evakuojnë qytetarët e tyre dhe mijëra afganë që duan të shpëtojnë nga regjimi i pamëshirshëm. Pamjet e publikuara tregojnë një shfaqje të tmerrshme të forcës nga talebanët si luftëtarë me rroba dhe maska të bardha së bashku me çizmet e zeza, teksa mbajnë pushkë automatike, shumë prej të cilave duket se janë M16 të prodhimit amerikan. Pamjet tregojnë luftëtarët që marshonin nëpër Qalat duke valëvitur flamurin e bardhë të talebanëve. Dhe në një paralajmërim rrëqethës, një dokument i Kombeve të Bashkuara, tha se talebanët po intensifikojnë kërkimin e tyre për këdo që ka punuar me SHBA ose NATO. Raporti i hartuar nga konsulentët e OKB-së për vlerësimin e kërcënimeve, thotë se grupi terrorist ka "lista prioritare" të individëve që dëshiron të eliminojë. Objektivat kryesore janë ata që kishin role qendrore në ushtrinë afgane, polici, dhe shërbimet e inteligjencës, me talebanët që kryenin "vizita derë më derë" në të gjithë Afganistanin. Familjarët e atyre që janë në listë janë gjithashtu në rrezik, teksa flitet se një i afërm i një gazetari të DW, është qëlluar dhe vrarë nga talebanët. Pamjet: AFP