Dy shqiptarë kanë rënë në prangat e policisë në Spanjë, nën akuzë për grabitjen e pesë banesave. Sipas mediave të huaja, shqiptarët, identiteti I të cilëve ende nuk është bërë I ditur janë arrestuar në Barcelonë, teksa raportohet se ata kryesisht vidhnin bizhuteri dhe sende me vlerë. Mediat spanjolle shkruajnë se shqiptarët e moshave 29 dhe 47 vjeç, pasi kryenin vjedhjet, largoheshin drejt një zone pyjore në Montgati, ku fshihnin veshjet dhe sendet e vjedhura. Pas kësaj, ata ndryshonin targat e makinës, për të shmangur dyshime nga policia spanjolle. Një organizim I tillë ka lënë të kuptuar që vjedhjet ishin të shpeshta dhë ndërkohë dy shqiptarët po hetohen edhe për raste të tjera vjedhjesh, që mund të kenë lidhje me ta. Dy të arrestuarit ndodhen në paraburgim në pritje të masës së sigurisë nga drejtësia spanjolle. Pamjet: AFP