Një tjetër skemë mashtruese që qarkullon përmes mesazheve SMS, e ngjashme me atë të pak javëve me parë të Postës Shqiptare, është zbardhur nga autoritetet. Mesazhet mashtruese iu paraqiten qytetarëve në aparatet celularë si njoftime zyrtare nga e-Albania për pagesën e gjobave të automjeteve dhe përmbajnë linke të falsifikuara që drejtojnë përdoruesit në faqe të rreme, me qëllim përvetësimin e të dhënave personale dhe bankare. Sipas autoriteve, këto mesazhe nuk kanë lidhje me e-Albania apo institucionet shtetërore. Qytetarëve iu këshillohet të të mos klikojnë në linqe nga numra të panjohu, të mos japin të dhëna personale apo bankare në faqe të pakonfirmuara, por të vijojnë të përdorin faqen zyrtare të e-albania.