Qeveria shqiptare e njeh presionin e shtuar në skemën e pensioneve për shkak të ndryshimeve demografike, informalitetit dhe nëndeklarimit të rrogave, por ndërhyrja në këtë skemë nuk do të bëhet mbi bazën e një reforme të thellë, por duke ndërhyrë te skema aktuale, që është në fuqi prej vitit 2014. Rama - Sot mjekë, mësues, ekonomistë, njerëz nga sistemi i drejtësisë që kanë dalë në pension pas 2014, marrin pensione mbi 500 mijë lekë, pra mbi 500 euro, ndërsa kolegët e tyre për të njëjtat vite pune që kanë dalë në pension para 2013 ose reformës së 2014, marrin pensione shumë më të ulëta dhe në aspektin moral, kjo është e papranueshme mirëpo në aspektin ekonomik dhe financiar kjo është e pashmangshme dhe një nga pikat që ne duhet të adresojmë është si të zbusim këtë konflikt dhe si të zvogëlojmë këtë hendek. Rama tha se ndërhyrja do të jetë përmes rritjes së maturuar të pensioneve dhe bonuseve të herë pas hershme për të moshuarit.