Ministja e Bujqësisë Anila Denaj ka njoftuar se është miratuar Skema e Re Kombëtare për fermerët, aplikimet për të cilën do të nisin më datë 1 tetor. Në një deklaratë për mediat, pas përfundimit të mbledhjes së ministrave, Denaj tha se aplikuesit mund të përfitojnë brenda vitit. Denaj: “Investimet në sera të cilat sot kanë rritur sipërfaqe në hektar deri në mbi dy mijë hektarë në vit nga një mijë hektar që ishte pesë viteve. Shumë i rëndësishëm është sektori i blegtorisë ku gjatë këtij viti ka pasur një vëmendje të shtuar ku do të rrisim investimin e mbarshtimit të kafshëve. Dhe masa e përfitimit në raport me një investim shumë të rëndësishëm për të zgjidhur dëmin e breshërit që ka sjellë jo pak dëme. Kështu do të kemi një investim për rrjetat anti-breshër. Ndërsa për Akukulturën synimi i kësaj qeverie nëpërmjet këtij investimi që morëm vendimin sot është që brenda 2030 ne të kemi 30 mijë ton peshk për tregjet ndërkombëtare ndërkohë që sot është 9600.” Ndërkohë ministrja sqaroi dhe mënyrën se si funksion kjo skemë.