Prokuroria e Posaçme Antikorrupsion dërgoi për gjykim dosjen në ngarkim të tre personave, mes tyre edhe Agim Ismaili, ish drejtor i Burgjeve në lidhje me hakerimin e email-eve të prokurorëve të SPAK. SPAK thotë se ka zbardhur skemën sesi janë marrë të dhënat dhe më pas janë shpërndarë tek personat e tjerë. Prokuroria e Posaçme sqaron se i pandehuri Arnold Rrokaj, aksesoi në mënyrë të paautorizuar materiale hetimore, një pjesë e të cilave u dërguan në mënyrë të paligjshme tek të pandehurit, Zambak Gjoni dhe Agim Ismaili, të cilët i shpërndanë ato më pas tek persona të tretë. Materiale hetimore dhe informacionet e aksesuara nga hakerimi ishin rreth ish zv.kryeministrit Arben Ahmetaj, kryebashkiakut Erjon Veliaj, Damian Gjiknurit, Klodjan Allajbeu, fotografi me kallëpe floriri deri tek kontrolle në banesën e Franc Çojpjas. Hakerat arritën që të sigurojnë akses te postat elektronike të tre prokurorëve, ndërsa pati tentativa për të hyrë edhe te dosjet e Altin Dumanit dhe Klodian Brahos, por pa sukses.