Shkencëtarët thonë tani se kanë disa numra absolutë për të përshkruar strukturën shkëmbore të brendshme të Marsit. Të dhënat vijnë nga sonda hapësinore InSight që ka monitoruar tërmetet në planet që nga fillimi i vitit 2019. Misioni i udhëhequr nga nasa tregon se trashësia mesatare e kores së marsit është mes 24 dhe 72 km, pak më e hollë nga sa pritej. Por, zbulimi më i rëndësishëm është ai përsa i takon bërthamës së planetit. Rrezja e tij prej 1830 km është mbi përllogaritjet e mëparshme. Kjo është hera e parë që shkenca ka mundur të krijojë një hartë direkte të shtresave të brendshme të një planeti që nuk është toka. Kjo është bërë për hënën, por marsi, me një rreze totale prej 3390 km, është i një shkalle shumë herë më të madhe. Pasja e këtij informacioni i lejon kërkuesit të kuptojnë më mirë krijimin dhe evoluimin e trupave të ndryshëm planetarë. InSight i arriti këto rezultate në të njëjtën mënyrë se si sizmiologët studiojnë shtresat e brendshme të tokës, duke gjurmuar sinjalet nga tërmetet. Këto evente clirojnë valë të mëdha energjie. Ndryshimet në rrugë dhe shpejtësia e valëve mund të tregojë natyrën e materialeve shkëmbore përmes të cilëve ato kalojnë.