Skandali ‘Epstein’ po merr përmasa gjithnjë edhe më të mëdha, me emra të pushtetshëm, dhe personazhe të adhuruar të artit, të përfshirë në fotot e publikuara nga ishulli privat i trafikantit seksual. Bill Clinton dhe Michel Jackson janë të përfshirë në dokumentet e reja të publikuara nga departamenti i drejtësisë. Ish presidenti Bill Clinton, shfaqet në pishinë me Ghislaine Maxëell, partneren e Jefreey Epstein, njëkohësisht edhe rekrutuesen e vajzave që binin viktimë e trafikimit seksual. Në fotot nga pishina shfaqen edhe vajza të tjera, fytyrat e të cilave janë redaktuar nga departamenti i drejtësisë për të ruajtuar anonimitetin. Lidhjet e Clinton me Epstein dhe udhëtimet në aeroplanin privat të Epstein kanë qenë të njohura, dhe Clinton nuk është akuzuar kurrë zyrtarisht për shkelje që lidhen me Epstein. Në një tjetër fotografi shfaqet Bill Clinton së bashku me Diana Ross dhe Michael Jackson, i cili ndërroi jetë në vitin 2009. Në shoqëri të tyre ishin edhe tre vajza të tjera, portretet e të cilave janë redaktuar. Në foto të tjera që datojnë nga viti 2007, Epstein shfaqet në një tavolinë me gazetarin e njohur Ëalter Cronkite. Emri i tij është shfaqur në regjistrat e fluturimeve, duke treguar se ai ka udhëtuar rregullisht në ishullin privat të Epstein. Njëjtë sikurse Michael Jackson, edhe gazetari i njohur vdiq në vitin 2009.