Prokuroria e Tiranës ka nisur hetimet për kryerjen e veprës penale ‘Dhunë në familje’, sa i përket denoncimit të bërë në polici nga Princ Leka, i cili pretendon se është dhunuar nga ish bashkëshortoja Elia Zaharia dhe nga babai i saj Gjergj Zaharia. Organi i akuzës po ashtu po kryen hetime sa i përket rrjedhjes së pamjeve filmike, në të cilën Elia Zaharia shfaqet duke goditur Princ Lekën. Momenti u filmua nga ky i fundit, si prove materiale për tia referuar policisë, e më pas prokurorisë, por videoja qarkulloi në rrjetet sociale dhe në media. Pamjet filmike u referuan në komisariatin ku u bë denoncimi, por policia mohon që videoja të ketë dalë nga strukturat e policisë. Princ Leka denoncoi në komisariatin numër 1 në Tiranë, ish bashkëshortën e tij dhe babanë e saj, ku prenteon se ata kanë ushtruar dhunë fizikë ndaj tij, në momentin që ka shkuar të takojë vajzën 3 vjecare.