Një studiues në Parlamentin e Mbretërisë së Bashkuar është arrestuar në bazë të Aktit të Sekreteve Zyrtare, mes pretendimeve se ai po spiunonte për Kinën. Policia ka konfirmuar se dy burra, një në të 20-at dhe një tjetër në të 30-at, u arrestuan në muajin mars. Burimet i kanë thënë BBC-së se njëri prej tyre ishte një studiues parlamentar i përfshirë në çështjet ndërkombëtare. Siç u raportua fillimisht në Sunday Times i arrestuari kishte lidhje me disa deputetë konservatorë. Të dielën në mëngjes, Kryeministri britanik Rishi Sunak i kishte shprehur shqetësimet për ndërhyrjen kineze një zyrtari të lartë nga Kina. Një zëdhënës tha se kryeministri ishte takuar me kryeministrin kinez Li Qiang gjatë samitit të G20 në Indi dhe "përcolli shqetësimet e tij për ndërhyrjen kineze në demokracinë parlamentare të Mbretërisë së Bashkuar".