Ka shkuar në 8 numri I personave të arrestuar për dhunën ndaj kushërinjve Maja në një lokal në Fushë-Krujë, të cilët kishin konflikt me fisin Rraja prej disa kohësh. Këtë të shtunë një numër I madh I forcave RENEA dhe FNSH zbarkuan në zonën e Niklës, duke shoqeruar shtetasit me inicialet L. Rr., D. Rr., H. Rr., dhe A. Rr., lidhje të afërta fisnore dhe shoqërore të fisit Rraja. Nga ana tjetër, numri I të shpallurve në kërkim shkoi në 6. Përparim Rraja dhe Edison meta I bashkohen listës së personave në kërkim Policor, që ku gjithashtu bëjnë pjesë Xhelal Rraja, Flamur Rraja, Klajdi Rraja, dhe Rexhep Rraja. Ndërsa të arrestuar më herët ishin Ineidi Rraja, Eni Kullaj, Kujtim Përdaku dhe Andi Rraja, për veprat penale "Plagosja e rëndë me dashje", "Mbajtja pa leje e armëve të zjarrit", "Moskallëzimi i krimit" dhe "Veprime që pengojnë zbulimin e të vërtetës". Në datë 6 korrik, disa anëtarë të fisit Rraja hynë në një lokal në zonën e Fushë-krujës, duke dhunuar me sende të forta dhe nën kërcënimin e armëve dy kushërinjtë Bilbil dhe Jashar Maja. Shkak I sherrit dyshohet të jetë bërë një gurore në zonën e Borizanës, ku anëtarët e fisit Maja pretendojnë se shpërthimet në gurore I kanë dëmtuar banesat, ndërsa anëtarët e fisit Rraja pretendojnë nga ana tjetër, se janë kërcënuar disa herë për t’u larguar nga gurorja.