Në vitin 2022, një hetim i thelluar i Shërbimit të Kontrollit të Brendshëm të Burgjeve nxorri zbuluar fenomenin e raporteve fiktive për të burgosurit. Lidhur me skemën abuzive, u izoluan në arrest shtëpie të paktën 18 zyrtarë të burgjeve. Por, apeli zbuti masat aso kohe duke i lënë në detyrim paraqitje. Mes emrave të rëndësishëm të botës së krimit që kishin përfituar ishte edhe Viktor Ymeri, i cili ishte liruar në vitin 2019 pikërisht duke përfituar nga ulja e dënimit për sjellje të mirë apo raporte sikur kishte punuar në burg. Një prej rasteve në seri që bëri mjaft bujë aso kohe. Pavarësisht lirimit, i forti i Vlorës Viktor Ymeraj u arrestua sërish për të tjera vepra që u zbuluan. Në vitin 2022, organet hetimore konstatuan se Ymeraj kishte përfituar ulje dënimi 70 ditë me të njëjtën skemë, pavarësisht se ndaj tij kishte masë disiplinore. Në tetor të vitit 2018, Muhamed Sallahi ekzekutoi brutalisht me thikë Holti Hajdari. Në burg, ky shtetas ishte shfaqur problematik dhe kishte marrë masë disiplinore, por kjo nuk e pengoi të përfitonte ulje dënimi.