Dy nga njerëzit më të besuar të kryeministrit grek Qiriako Micotaqis, kanë dhënë dorëheqjen pas përfshirjes së tyre në një skandal me përgjimin e telefonave. Bëhet fjalë për shefin e shërbimit sekret grek Panajotis Kondoleon dhe sekretarin e përgjithshëm të kryeministrisë Grigoris Dhimitriadhis, që sipas mediave greke, janë përfshirë në një skandal të denoncuar fillimisht nga partia opozitare pasok dhe më pas edhe nga media kritike ndaj qeverisë. Në thelb, qëndron përgjimi i telefonit të një gazetari grek, kritik ndaj qeverisë micotaqis dhe kreut të pasokut. Sipas mediave greke, dy zyrtarët kishin dijeni për tentativën e përgjimit të telefonit të kryetarit të Pasokut, i cili denoncoi se pati një tentativë për infektimin e telefonit të tij me programin “Predator”, ndërsa në të njëjtën kohë u raportua edhe lajmi se programi i përgjimeve ishte instaluar në telefonin e një gazetari. Qeveria mohoi se ka dijeni lidhur me ngjarjen, por mediat kanë publikuar kontaktet dhe takimet e sekretarit të përgjithshëm të kryeministrisë greke, me drejtuesin e kompanisë e cila importon këtë program në Europë. Qeveria mohon të ketë lidhje me përgjimet, ndërsa burime qeveritare thanë se dorëheqjet e zyrtarëve të lartë erdhi për ti hapur rrugë hetimit të pavarur të çështjes