Shtetet e Bashkuara të Amerikës kanë ndërmarrë të tjera hapa kundër personave të sanksionuar në Ballkanin Perëndimor. Pak ditë para përfundimit të mandatit, Presidenti Joe Biden miratoi një urdhër ekzekutiv për të bllokuar të gjitha pronat që këta individë kanë në SHBA. Ndryshimet ligjore synojnë që çdo pasuri e individëve që kërcënojnë paqen dhe sigurinë në rajonin e Ballkanit perëndimor në territorin amerikan do të bllokohen dhe do të kalojnë nën menaxhimin e Departamentit të Thesarit. Pavarësisht faktit, nëse këto prona janë në emër të tyre apo familjarëve. Vendimet do të merren në bashkëpunim me Sekretarin e Shtetit. Vendimmarrjet mbi këta individë do të merren duke u bazuar në legjislacionin amerikan dhe nuk do të përjashtohen emrat që janë shpallur më herët non grata nga SHBA. ‘Ky urdhër nuk ka për qëllim dhe nuk krijon ndonjë të drejtë ose përfitim, thelbësor ose procedural, të zbatueshëm me ligj ose me barazi nga ndonjë palë kundër Shteteve të Bashkuara, departamenteve, agjencive ose subjekteve të saj, oficerëve, punonjësve të saj , ose agjentë, ose ndonjë person tjetër.”, thuhet në vendimin që mban firmën e presidentit Biden.